2021-2022 оқу жылында денсаулығына байланысты үйден білім алушылардың білім алуы туралы анықтама
2021-2022 оқу жылында денсаулығына байланысты үйден білім алушылардың білім алуы туралы анықтама
«Алматы облысы білім басқармасының Ескелді ауданы бойынша білім бөлімі» мемлекеттік мекемесінің «Ш.Уәлиханов атындағы орта мектеп – гимназиясы мектепке дейінгі шағын-орталығымен» коммуналдық мемлекеттік мекемесінде мектеп педагог-психологтары – Жакаева Абеугайша Кадырсызовна, Асубекова Шырын Болатқызы үйден оқитын және ерекше білім беру қажеттілігі бар оқушылармен жұмыс жасайды.
Облыстық психологиялық- медициналық- педагогтік комиссия кеңесінің қортындысына сәйкес үйден оқыту бағдарламасы бойынша оқып жатқан, ерекше білім беруді қажет ететін балалармен мектеп психологтары жоспарға сәйкес жұмыстар атқаруда. Үйден оқитын оқушылардың және ерекше білім беруді қажет ететін балалардың әлеуметтік жағдайын, көңіл-күйін, отбасындағы хал-ахуалын анықтау мақсатында санитарлық талапты сақтай отырып, үйлерін аралап, бала және ата-аналарымен әңгімелесіп, отбасы жағдайы анықталып, баланың көңіл-күйі бақыланып, отбасындағы балаға деген ата-ананың қатынас стильін анықтау барысында сауалнама алынды. Сауалнама зерттелініп, қорытындысы жасалып ата-анаға кеңес берілді.
Үйден оқитын және ерекше білімді қажет ететін оқушылармен әңгімелесіп, көңіл-күйін, оқудағы жағдайын, отбасындағы жағдайымен таныстық. Сөйлесе отырып, оқуында қиындығы байқалған оқушылармен диагностикалық жұмыстар жүргіздік.
Атап айтқанда, темперамент, отбасылық социограмма, өзін-өзі бағалау, болашаққа көзқарасы әдістемелері алынды.
Танымдық қабілеттерін дамытуға байланысты оқушыларға арнайы жұмыс дәптері беріліп, жаттығулар мен тапсырмаларды орындауын қадағалап, тексеріліп отырылды.
Ұсыныс:
1. Ата-аналар балаларының үйдегі жағдайына көңіл бөлсін.
2. Сынып жетекшілерімен ата-аналар арасындағы байланыс күшейтілсін.
Мектеп психологтары: Жакаева А.К
Асубекова Ш.Б.
