«Мектепке жол» қайырымдылық акциясы.
«Ескелді ауданы әкімдігінің Ш.Уәлиханов атындағы орта мектеп-гимназиясы мектепке дейінгі шағын орталығымен» коммуналдық мемлекеттік мекемесінің 2020-2021 оқу жылындағы тамыз айының 1-30 «Менің таңдауым-балаларға көмек» ұранымен өткізіліп жатқан «Мектепке жол» қайырымдылық акциясы.
Республикалық «Мектепке жол» акциясы бойынша мектепте қайырымдылық акциясы әлі де кәсіпкерлердің көмегімен өз жұмысын жалғастыруда. Қазіргі уақытта қашықтан білім алып жатқан көпбалалы, аз қамтылған, жетім отбасы балаларына көмек көрсету мақсатында әлеуметтік педагог Н.Тасыбаева және жас сынып жетекші А.Есенбекова екеуі бірлесіп кәсіпкерлерді акцияға қатыстыра отырып сыныбындағы оқушыларға қашықтан білім алуына дайындық жүргізіп жұмыла жұмыс жасауда. Осы орайда 5 «Ә» сыныбының ата-анасы, кәсіпкер Әмір Наргиз өз қолдауын көрсетіп, 5 «Ә» сынып оқушысы Сәлімхан Ерасылдың анасы Қыдырқызы Бақтиланың қолына SAMSUNG А6 ұялы телефонын сыйға тартты. Кәсіпкер Әмір Наргиз алдағы уақытта тағы да қолынан келгенше өз көмегін аямайтынын, барынша қолдау көрсететінін жеткізді. Мектеп әкімшілігі атынан жаны жомарт Әмір Наргизге алғысымызды білдіреміз. Осындай бірлескен нәтижелі жұмыстар өз жалғасын табады.
