03
сентябрь
2021
Мектеп тарихы
Мектеп тарихы
Қарабұлақ кентіндегі киелі білім ордасы саналатын Ш.Уәлиханов атындағы орта мектеп-гимназиясы алғашқы шәкірттеріне өзінің есігін 1990 жылдың 1желтоқсанында айқара ашты.Мектеп алғаш ашылған жылы мектепке 972 бала қабылданып, 32 сыныпқа бөліп отырғызылды. Аудан орталығында ашылған бұл мектептің 4 класс-комплектісінде 89 оқушы таза қазақша білім алып жатты. Мектеп ірге тасын қалаушылар ішінде мектеп директорының оқу -тәрбие жұмысының орынбасары З.Ғ.Жетпісбаеваның мектептің қалыптасып, дамуына қосқан үлесі зор. Мұнда жасөспірімдердің сапалы білім, саналы тәрбие алынуына барлық жағдай жасалынған.Жүздеген шәкірттердің жүрегіне нұр құйған оның бейнесі қаншама жылдар өтсе де, түлектердің есінде, жадында сақтаулы. Қарабұлақ кентінде алғаш ашылған қазақ сыныптарында таза қазақша білім алған осы оқушыларға А.С.Тұрсынбаева, А.С. Жаңбырбаева, Д.Андасбаева, К.Рахметова сынды тәжірибелі ұстаздар білім беруді бастаған болатын. Мектепті 2003 жылдан бастап ҚР білім беру ісінің үздігі медальінің иегері Тазабеков Әкімбек Ұлдаханұлы басқарып келеді. Жақсылыққа жаны құмар, ізгілікті, ынтымақты ұжымға Жетпісбаева Зейнегүл Ғалымбекқызы, Ауезова Гүлғайза Қанайбекқызы, Умарханов Данияр Даулетканович, Дауленбекова Назира Болатпаевна, Телемисова Гульзат Орызкановна сияқты тәжірибелі мектеп директорының орынбасарлары жетекшілік етіп, ерен еңбектің үлгісін көрсетуде. Осындай ұлағатты ұстаздар басқарған мектеп ұжымы аудан, облыс, республика көлеміне танылған мектеп атана білді. Ұстаздар мұндай сапаға көп жылдық жемісті еңбектерінің нәтижесінде жетті. Осы 32 жыл ішінде мектебіміз өзінің педагогикалық кадрларымен және де талантты оқушыларымен де көріне білді. Қазіргі кезде мектепте 701 оқушы 36 сыныпта білім алып жатыр.